നിങ്ങൾക്കറിയാമോ?? ഓരോ പെൺകുട്ടി ജനിക്കുമ്പോളും 111 മരങ്ങൾ നടുന്ന ഈ ഇന്ത്യൻ ഗ്രാമത്തെ ??

കഴിഞ്ഞ ഏതാനും പതിറ്റാണ്ടുകളായി ഇന്ത്യയുടെ പല ഭാഗങ്ങളിലും നിരന്തരം കുറയുന്ന ലിംഗാനുപാതത്തെക്കുറിച്ച് സാമൂഹ്യശാസ്ത്രജ്ഞരും രാഷ്ട്രീയ വിശകലന വിദഗ്ധരും ബുദ്ധിജീവികളും ദീർഘകാലമായി ആശങ്കാകുലരാണ്. കർശനമായ നിയമ വ്യവസ്ഥകൾക്ക് പോലും സ്ത്രീ ശിശുഹത്യയും ഭ്രൂണഹത്യയും അവസാനിപ്പിക്കാൻ കഴിയാത്ത ഒരു സമയത്ത്, ഒരു ഗ്രാമത്തിന്റെ ദർശനം ഇന്ത്യയിൽ സ്ത്രീ ഭ്രൂണഹത്യ കുറയ്ക്കുന്നു.

ഇന്ത്യയിലെ രാജസ്ഥാൻ സംസ്ഥാനത്തെ രാജ്‌സമന്ദ് ജില്ലയിലുള്ള ഒരു ഗ്രാമമാണ് പിപ്ലാൻത്രി. ഓരോ പെൺകുഞ്ഞ് ജനിക്കുമ്പോഴെല്ലാം പിപ്ലാൻട്രി ഗ്രാമവാസികൾ 111 മരങ്ങൾ നട്ടുപിടിപ്പിക്കുകയും ഈ വൃക്ഷങ്ങളുടെ നിലനിൽപ്പ് സമൂഹം ഉറപ്പാക്കുകയും ചെയ്യുന്നു. സാമ്പത്തിക സുരക്ഷ ഉറപ്പുവരുത്താൻ, ഒരു പെൺകുഞ്ഞിന്റെ ജനനത്തിനുശേഷം ഗ്രാമീണർ 21,000 രൂപ സംഭാവന നൽകുകയും മാതാപിതാക്കളിൽ നിന്ന് 10,000 രൂപ എടുക്കുകയും ഒരു സ്ഥിര നിക്ഷേപത്തിൽ ഇടുകയും ചെയ്യുന്നു, ഈ നിക്ഷേപം  അവൾക്ക് 20 വയസ്സ് തികയുമ്പോൾ അവസാനിപ്പിക്കാം. ഈ ഗ്രാമത്തിൽ മാതാപിതാക്കൾ ഒരു സത്യവാങ്മൂലത്തിൽ ഒപ്പിടുക ആവശ്യമാണ് , അത് വിവാഹത്തിന് നിയമപരമായ പ്രായം നേടുന്നതിനുമുമ്പ് പെൺകുഞ്ഞിനെ വിവാഹം കഴിപ്പിക്കുന്നതിൽ  നിന്നും തടയുന്നു.

ഈ സംരംഭം ഗ്രാമത്തിന്റെ  സമ്പദ്‌വ്യവസ്ഥയെ സഹായിച്ചിട്ടുണ്ട്. കീടങ്ങളെ മരങ്ങളിൽ നിന്ന് അകറ്റി നിർത്താൻ ഗ്രാമം 25 ദശലക്ഷത്തിലധികം കറ്റാർ വാഴ സസ്യങ്ങൾ നട്ടുപിടിപ്പിച്ചിട്ടുണ്ട്. കറ്റാർ വാഴയെ വിവിധ രീതികളിൽ സംസ്കരിച്ച് വിപണനം ചെയ്യാമെന്ന് ഗ്രാമവാസികൾ മനസ്സിലാക്കി. അതിനാൽ കമ്മ്യൂണിറ്റി ഇപ്പോൾ കറ്റാർ അധിഷ്ഠിത ജ്യൂസ്, ജെൽ തുടങ്ങിയ ഉൽ‌പന്നങ്ങൾ ഉൽ‌പാദിപ്പിക്കുകയും വിപണനം ചെയ്യുകയും ചെയ്യുന്നു.

മകൾ കിരണിന്റെ സ്മരണയ്ക്കായി മുൻ സർപഞ്ച് (ഗ്രാമത്തലവൻ) ശ്യാം സുന്ദർ പലിവാളാണ് ഈ സംരംഭം ആരംഭിച്ചത്.