'ഉംപുന്'- പേര് നിര്ദേശിച്ചതാര്?
കൊവിഡിനിടയില് ഇന്ത്യയില് ചര്ച്ച ചെയ്യപ്പെട്ടു കൊണ്ടിരിക്കുന്ന മറ്റൊരു പേര്. അതാണ് ഉംപുന് എന്ന ചുഴലിക്കൊടുങ്കാറ്റ്. 2020 ല് ഇന്ത്യയില് ആദ്യമായി വീശിയടിക്കാന് പോകുന്ന ചുഴലിക്കാറ്റ് എന്നൊരു പ്രത്യേകത കൂടിയുണ്ട്. ചുഴലിക്കാറ്റിനും കൊടുങ്കാറ്റിനും ഫാനി, തിത്ലി, ലൈല, ഹെലന് എന്നീ പേരുകള് ഇതിനുമുമ്പും കേട്ടിട്ടുണ്ട്. പലപ്പോഴും ഈ പേരുകള് രസകരമായി തോന്നാം. എന്നാല്, ഇവ എങ്ങനെയാണ് തെരഞ്ഞെടുക്കപ്പെടുന്നതെന്ന് ചിന്തിച്ചിട്ടുണ്ടോ?.
ഇന്ത്യന് മഹാസമുദ്ര മേഖലയില് വരുന്ന ചുഴലികള്ക്ക് അവയെ തിരിച്ചറിയാനും മുന്കരുതല് നടപടികള് കൈക്കൊള്ളാനും വേണ്ടിയാണ് മുന്കൂട്ടി പേരുകള് ഇടുന്നത്. ഇന്ത്യന് മഹാസമുദ്രം, അറബിക്കടല്, ബംഗാള് ഉള്ക്കടല് എന്നിവ ഉള്പ്പെടുന്ന മേഖലയില് ഉണ്ടാകുന്ന ചുഴലിക്കാറ്റിന് മുന്കൂട്ടി പേരുകള് ഇട്ടിട്ടുണ്ട്. 13 രാജ്യങ്ങളാണ് ഇന്ത്യന് സമുദ്ര പരിധിയില് വരുന്നത്. ഇന്ത്യ, ബംഗ്ലാദേശ്, ഇറാന്, മാലദ്വീപ്, മ്യാന്മര്, ഒമാന്, പാകിസ്ഥാന്, ഖത്തര്, സൗദി, ശ്രീലങ്ക, തായ്ലാന്റ്, യുഎഇ, യമന് തുടങ്ങിയവരാണ് 13 രാജ്യങ്ങള്. അന്താരാഷ്ട്ര കാലാവസ്ഥാ കേന്ദ്രം അംഗീകരിച്ച 169 പേരുകളാണ് കേന്ദ്ര കാലാവസ്ഥാ കേന്ദ്രം പുറത്തുവിടുന്നത്.
ചുഴലിക്കാറ്റിന് പേരു നല്കേണ്ടതിന്റെ ആവശ്യമുണ്ടോ? ഓര്ത്തിരിക്കാന് ചുഴലിക്കാറ്റുകള്ക്ക് പേരുകള് നല്കുന്നതാണ് നല്ലത്. ചുഴലിക്കാറ്റിന്റെ ദൈര്ഘ്യവും വ്യാപ്തിയും പറയുന്നതിനേക്കാള് 2018 ലെ തിത്ലി ചുഴലിക്കാറ്റ് എന്നു പറയുന്നതായിരിക്കും എളുപ്പം. ഒന്നിലധികം ചുഴലിക്കാറ്റുകള് ഉണ്ടാകുമ്പോള് ഈ പേരുകള് സഹായകരമായിരിക്കും. മാത്രമല്ല, ചുഴലിക്കാറ്റിനെ കുറിച്ച് റിപ്പോര്ട്ട് ചെയ്യുമ്പോള് മാധ്യമങ്ങള് ഈ പേര് ഉപയോഗിക്കുന്നത് എളുപ്പമായിരിക്കും.
ഉംപുന് 2004 ലെ ചുഴലിക്കാറ്റിന്റെ പേരുകളുടെ പട്ടികയിലെ അവസാനത്തേതാണ്. ഈ പേര് നിര്ദേശിച്ചത് മറ്റാരുമല്ല തായ്ലാന്ഡ് എന്ന ചെറിയ രാജ്യമാണ്. ആദ്യo ചുഴലിക്കാറ്റുകളെ പേരുകളിലല്ല തിരിച്ചറിഞ്ഞിരുന്നത്. അറ്റ്ലാന്റിക് സമുദ്രത്തില് ഉണ്ടായ ചുഴലിക്കാറ്റോടെ ആണ് പേരുകള് നിര്ദേശിക്കാന് ആരംഭിച്ചത്. അങ്ങനെ 'ആന്റ്ജെ' ആയി പേര് ലഭിച്ച ആദ്യ ചുഴലിക്കാറ്റ്.
കാലാവസ്ഥാ നിരീക്ഷകരുടെ വിലയിരുത്തലില് തായ്ലാന്ഡ് ആണ് ഈ പേരിട്ടത്. അതിനാല്, അവര് ഉച്ചരിക്കുന്ന ഭാഷയിലാണ് ചുഴലിക്കാറ്റിന് ഈ പേര് വന്നതും. ഇംഗ്ലീഷില് 'AMPHAN' എന്ന് വായിക്കുന്ന വാക്ക് ഉച്ചരിക്കുന്നത് UM-PUN എന്നാണ്. അംഫാന്, എംഫാന് എന്നിങ്ങനെ വിവിധ പേരുകള് ഈ ചുഴലിക്കാറ്റിന് നിര്ദേശിക്കുന്നുണ്ടെങ്കിലും ഉംപുന് എന്നാണ് ശരിയായി ഉച്ചരിക്കേണ്ടത്.
Comments
Post a Comment